ಹಕ್ಕಿ ಕಥೆ 5

   ಸ್ನೇಹಿತರೇ ನಮಸ್ಕಾರ

     ನಿನ್ನೆ ರಾತ್ರಿ ಶೆಕೆ ಹೆಚ್ಚಾಗಿ ಸರಿಯಾಗಿ ನಿದ್ದೇನೇ ಬಂದಿರ್ಲಿಲ್ಲ. ಜೊತೆಗೆ ಈ ಹಕ್ಕಿ ಅರಚಾಟ ಬೇರೆ. ನೀವೇ ಕೇಳಿ ಅದ್ ಹ್ಯಾಗೆ ಬೊಬ್ಬೆ ಹಾಕ್ತಾ ಇದೆ... did he do it.... pity to do it....(2)...

ಬೆಳಗ್ಗೆ ಹೋಗಿ ನೋಡಿದ್ರೆ ಈ ಎರಡೂ ಹಕ್ಕಿಗಳು ಮನೆ ಪಕ್ಕದ ಬಯಲಿನಲ್ಲಿ ಓಡಾಡ್ತಾ ಇದ್ವು.. 

   ಸಾಮಾನ್ಯ ಕೆರೆ, ನದಿಗಳ ಹತ್ರ ಬಯಲು ಪ್ರದೇಶಗಳಲ್ಲಿ ಕಾಣ್ಲಿಕ್ಕೆ ಸಿಗೋ ಈ ಹಕ್ಕೀನ ಬಹಳಷ್ಟುಜನ ನೋಡಿರ್ತೀರಿ. ಮಾರ್ಚ್ ನಿಂದ ಆಗಸ್ಟ್ ತಿಂಗಳ ಮಧ್ಯೆ ಇದರ ಸಂತಾನಾಭಿವೃದ್ಧಿ ಕಾಲ. ಈ ಸಮಯದಲ್ಲಿ ಇವುಗಳು ಕೂಗೋದು ಜಾಸ್ತಿ.. ಇವು ಗೂಡು ಅಂತೇನೂ ಮಾಡೋದಿಲ್ಲ. ನೆಲದ ಮೇಲೆ ದುಂಡಗಿನ ಕಲ್ಲುಗಳ ಜೊತೆ ಮಬ್ಬು ಬಣ್ಣದ ತಕ್ಷಣ ಗುರುತಿಸಲು ಸಾಧ್ಯವಾಗದ

3-4 ಮೊಟ್ಟೆಗಳನ್ನುಇಡ್ತದೆ. ಮೊಟ್ಟೆಗಳ ಗಾತ್ರ ಸುಮಾರು 4cm ಅಂದ್ರೆ ಕೋಳಿಮೊಟ್ಟೆಯ ಅರ್ದ ಗಾತ್ರದ್ದು. ನೆಲದ ಮೇಲೆ ಮೊಟ್ಟೆಗಳು ಯಾವುದು ಕಲ್ಲು ಯಾವುದು ಅಂತ ಗುರುತುಹಿಡಿಯೋದು ಭಾರೀ ಕಷ್ಟದ ಕೆಲಸ. ಸಿಟಿಗಳಲ್ಲಿ ಕಟ್ಟಡದ ಮೇಲೆ ಟೆರೇಸ್ ಗಳಲ್ಲಿ ಮಾತ್ರ ಅಲ್ಲ ರೈಲ್ವೇ ಹಳಿಗಳ ಮದ್ಯೆ ಮೊಟ್ಟೆ ಇಟ್ಟು ಮರಿಮಾಡಿದ ಉದಾಹರಣೆಗಳೂ ಇದೆ. ಮೊಟ್ಟೆ ಇಟ್ಟಮೇಲೂ ಏನಾದ್ರೂ ಅಪಾಯ ಅನ್ಸಿದ್ರೆ ನಿಧಾನವಾಗಿ ಮೊಟ್ಟೆಗಳನ್ನು ಉರುಳಿಸಿಕೊಂಡು ಹೋಗಿ ಗೂಡಿನ ಜಾಗ ಬದಲಾಯಿಸಿದ್ದೂ ಇದೆ ಅಂತ ಹೇಳ್ತಾರೆ. 

   ಗಂಡು ಹೆಣ್ಣು ಎರಡೂ ಹಕ್ಕಿಗಳು ಸರದಿ ಪ್ರಕಾರ ಮೊಟ್ಟೆಗಳಿಗೆ ಕಾವು ಕೊಡ್ತವೆ. ತಮ್ಮ ಗೂಡಿನ ಹತ್ರ ಯಾವುದಾದರೂ ಪ್ರಾಣಿ ಸುಳಿದರೂ ಸಾಕು ಜೋರಾಗಿ ಬೊಬ್ಬೆ ಹಾಕುತ್ತಾ ಅವುಗಳ ದಿಕ್ಕು ತಪ್ಪಿಸುತ್ತದೆ. ಏಲ್ಲಾದರೂ ಹಾವು,ಉಡ, ಮುಂಗುಸಿ ಹೇಗೋ ಗೂಡಿನ ಹತ್ರ ಬಂದ್ರೆ ಅರಚಾಡಿ ರೆಕ್ಕೆ ಎತ್ತಿ ಹೆದರಿಸಿ ಓಡಿಸಿಬಿಡ್ತವೆ. ಅಗತ್ಯ ಬಿದ್ರೆ ವೈರಿಗಳ ಮೇಲೆ ಆಕಾಶದಿಂದ ಮಿಸೈಲ್ ಥರ ಧಾಳಿ ಮಾಡಿ ಶತ್ರುಗಳನ್ನ ಓಡಿಸ್ತವೆ.

       ಸುಮಾರು 28- 30 ದಿನಗಳಲ್ಲಿ ಮೊಟ್ಟೆ ಒಡೆದು ಮರಿಗಳು ಹೊರಗಡೆ ಬರ್ತವೆ. ಹೊರಗಡೆ ಬಂದ ಕ್ಞಣದಿಂದಲೇ ನಡೆದಾಡುವ ಸಾಮರ್ಥ್ಯ ಈ ಮರಿಗಳಿಗೆ ಇರ್ತದೆ, ಅವಾಗಿಂದಲೇ ತಮ್ಮ ತಂದೆ ತಾಯಿಗಳನ್ನು ಇವು ಹಿಂಬಾಲಿಸುತ್ತವೆ. ಏನಾದರೂ ಆಪತ್ತಿನ ಸೂಚನೆ ಸಿಕ್ಕಿದ ತಕ್ಷಣ ನೆಲದಲ್ಲಿ ಅಥವಾ ಹುಲ್ಲುಗಳ ಎಡೆಯಲ್ಲಿ ಅಡಗಿಕೊಳ್ಳುತ್ತವೆ.

ನೆಲದ ಮೇಲೆ ಸಿಗುವ ಕೀಟಗಳೇ ಇವುಗಳ ಮುಖ್ಯ ಆಹಾರ. ಜೊತೆಗೆ ಶಂಕುಹುಳದಂತಹ ಜೀವಿಗಳನ್ನೂ, ಕೆಲವೊಮ್ಮೆ ಕಾಳುಗಳನ್ನೂ ತಿನ್ನುತ್ತದೆ. ಬಿರುಬೇಸಗೆಯ ದಿನಗಳಲ್ಲಿ ತನ್ನ ಹೊಟ್ಟೆಯನ್ನು ನೀರಿನಲ್ಲಿ ಒದ್ದೆಮಾಡಿಕೊಂಡು ಬಂದು ಮರಿಗಳಿಗೆ ನೀರು ಉಣಿಸುತ್ತಂತೆ.

 ಇದರ ಉದ್ದವಾದ ಕಾಲುಗಳು ಮತ್ತು ಬೆರಳುಗಳು ಮಣ್ಣು, ಕೆಸರು, ಮರಳು ಎಲ್ಲದರ ಮೇಲೂ ನಡೆಯೋದಕ್ಕೆ ಅನುಕೂಲಕರ. ಆದರೆ ಹಾರಲು ಸಾದ್ಯ ಆದ್ರೂ ಇವುಗಳು ಮರದಮೇಲೆ ಕೂತ್ಕೊಳ್ಲೋಕ್ಕೆ ಸಾದ್ಯ ಆಗಲ್ಲ. ಬಲಿಷ್ಟವಾದ ರೆಕ್ಕೆ ಇರೋದ್ರಿಂದ ತಕ್ಷಣ ಹಾರುವ ಮತ್ತು ಅಗತ್ಯ ಬಿದ್ರೆ ಡೈವ್ ಮಾಡುವ ಸಾಮರ್ಥ್ಯ ಇವಕ್ಕಿದೆ. ಸುಸ್ತಾದಾಗ ನೆಲದಮೇಲೆ ಕೂತುಕೊಳ್ಳುತವೆ ಅಥವಾ ಒಂಟಿಕಾಲಿನಲ್ಲಿ ನಿಂತು ಆಯಾಸ ಪರಿಹಾರ ಮಾಡಿಕೊಳ್ತವೆ.

  ಇವು ರಾತ್ರಿಯೆಲ್ಲ ಕೂಗ್ತಾ ಇರ್ತವಲ್ಲಾ ಹಾಗಾದ್ರೆ ಇವು ನಿದ್ರೆ ಮಾಡೋದಿಲ್ವಾ ಅಂತ ಕೆಲವರು ಕೇಳ್ತಾರೆ. ಸಂತಾನಾಭಿವೃದ್ಧಿ ಕಾಲದಲ್ಲಿ ಅಗತ್ಯ ಬಿದ್ರೆ ಇವು ರಾತ್ರೆಯೂ ಎಚ್ಚರವಾಗಿ ಇರ್ತವೆ.

  ಈ ಹಕ್ಕಿ ನದಿಗಿಂತಾ ತುಂಬ ಎತ್ತರ ಪ್ರದೇಶದಲ್ಲಿ ಗೂಡು ಮಾಡಿದ್ರೆ ಭಾರೀ ಮಳೆಗಾಲ ಬರುತ್ತೆ, ಒಣಗಿದ ನದಿಯ ಮದ್ಯದಲ್ಲಿ ಗೂಡು ಮಾಡಿದ್ರೆ ಮಳೆಗಾಲ ಬರೋದು ತಡ ಆಗುತ್ತೆ , ನದಿಬದಿಯಲ್ಲೇ ಮೊಟ್ಟೆ ಇಟ್ರೆ ಮಳೆಗಾಲ ಸರಿಯಾದ ಸಮಯಕ್ಕೆ ಬರುತ್ತೆ ಅಂತ ಕೆಲವುಕಡೆ ಜನ ನಂಬ್ತಾರಂತೆ. ಪ್ರಾಣಿ ಪಕ್ಷಿಗಳು ನಮಗಿಂತ ಬೇಗ ಪರಿಸರದ ಬದಲವಣೆಗಳನ್ನ sence ಮಾಡ್ತವೆ, ಅವುಗಳನ್ನು ನೋಡಿ ಪ್ರಕೃತಿಗೆ ಹತ್ತಿರವಾಗಿ ಬದುಕೋದನ್ನು ನಾವು ಕಲೀಬೇಕು ಅಲ್ವಾ..

  ಏನು ಇಷ್ಟೆಲ್ಲಾ ಕತೆ ಹೇಳಿ ಈ ಹಕ್ಕಿ ಹೆಸರೇ ಹೇಳ್ಲಿಲ್ಲ ಅಂತಿದೀರಾ.. ಅಷ್ಟಾಂಗ ಯೋಗದಲ್ಲಿ ಒಂದು ಆಸನ ಇದೆ. ಎರಡೂ ಕಾಲಿಗಳನ್ನು ಭುಜದ ಹಿಂಬಾಗದಿಂದ ಮೇಲ್ಮುಖವಾಗಿ ಎತ್ತಿ ಕೈಗಳ ಆಧಾರದಲ್ಲಿ ನಿಲ್ಲುವ ಭಂಗಿ, ಅದೇ ಟಿಟ್ಟಿಭಾಸನ... ಹಕ್ಕಿಯಿಂದಾಗಿ ಆಸನಕ್ಕೆ ಈ ಹೆಸರು ಬಂತು ಅಂತ ಹೇಳ್ತಾರೆ..  Yes you are right.. ಈ ಹಕ್ಕಿಯ ಕನ್ನಡ ಹೆಸರು ಟಿಟ್ಟಿಭ.. ಮಲೆನಾಡಿನ ಕಡೆ  ತೇನೆಹಕ್ಕಿ ಅಂತ ಕರೀತಾರೆ, ಕರಾವಳಿಯಲ್ಲಿ ಟ್ಯಾಂಟ್ರಕ್ಕಿ ಅಂತ್ರ್, ಇನ್ನು ಕೆಲವರು ಟವಕ್ಕಿ ಅಂತನೂ, ತುಳುವಿನಲ್ಲಿ ಟಿರಿಂ ಟಿರಿ ಪಕ್ಕಿ ಅಂತಾನೂ ಕರೀತಾರೆ...

ಇದರ English ಹೆಸರು Red Wattled Lapwing.. ನಿಮ್ಮೂರಲ್ಲಿ ಈ ಹಕ್ಕಿಯನ್ನ ಏನೂಂತ ಕರೀತಾರೆ ನಮಗೂ ತಿಳಿಸ್ತೀರಲ್ಲಾ .....

ರಜಾ ದಿನಗಳ ಮಜಾ ಹೆಚ್ಚು ಮಾಡ್ಲಿಕ್ಕೆ ಅಂತ ನಾನು ಈ ಹಕ್ಕಿ ಚಿತ್ರಬರಿಯೋ ಪ್ರಯತ್ನ ಮಾಡಿದ್ದೇನೆ, ನೀವೂ ನಿಮ್ಮ ಇಷ್ಟದ ಹಕ್ಕಿಯ ಚಿತ್ರ ಬರೀರಿ...  ಮತ್ತೆ ಸಿಗೋಣ

ಹಕ್ಕಿ ಕಥೆ 4

ಕಾಡು ಕಾಗೆ 

Indian Junge Crow

Corvus culminatus

ಒಂದು ಕಾಗೆ ಬಂದಿತು

ತಿಂಡಿಯನ್ನು ಕಂಡಿತು

ಕೂಗಿ ತನ್ನ ಬಳಗವನ್ನು

ಕಾ.. ಕಾ.. ಎಂದಿತು          ಈ ಹಾಡನ್ನು ಬಹಳಷ್ಷು ಜನ ಕೇಳಿರ್ತೀರಿ...

     ಕಾಗೆ ನಮಗೆಲ್ಲಾ ಅತ್ಯಂತ ಚಿರಪರಿಚಿತ ಹಕ್ಕಿ.. ಪಂಚತಂತ್ರದ ಕಥೆಗಳಲ್ಲಿ, ಮಕ್ಕಳ ಹಾಡುಗಳಲ್ಲಿ ಬಹಳಷ್ಡುಕಡೆ ಸುಲಭವಾಗಿ ಸಿಕ್ಕಿಬಿಡುವ ಅತ್ಯಂತ ಆಪ್ತವಾದ ಹಕ್ಕಿ. ಅದಕ್ಕೇ ಇರಬೇಕು ನಾವು ನಮ್ಮ ಹಿರಿಯರಿಗೆ ಮಾಡುವ ಅಪರಕ್ರಿಯೆಗಳಲ್ಲಿ ಹಿಡಿ ಅನ್ನವನ್ನು ಕಾಗೆಗಳಿಗೆ ಇಡುವ ಕ್ರಮ ಇದೆ.

     ಪಕ್ಷಿಗಳ ಬಗ್ಗೆ ಅಧ್ಯಯನ ಮಾಡುವ ವಿಜ್ಞಾನಿ ಒಬ್ರು ಸ್ವಾರಸ್ಯಕರ ಘಟನೆ ಒಂದನ್ನ ಹೇಳಿದ್ದು ನೆನಪಾಗ್ತದೆ. ಕಾಗೆ ಗೂಡುಕಟ್ಟಲು ಮರಗಳನ್ನ ಆಶ್ರಯಿಸುತ್ತದೆ. ಮರದಮೇಲೆ ಹಲವಾರು ಗಟ್ಟಿ ಒಣಕಡ್ಡಿಗಳನ್ನು ತಂದು ಜೋಡಿಸಿ ಬುಟ್ಟಿಯಾಕಾರದ ಗೂಡನ್ನು ಕಟ್ಟಿ, ಕೋಳಿಮೊಟ್ಟೆಗಿಂತ ತುಸು ಚಿಕ್ಕಗಾತ್ರದ ಬಿಳಿಬಣ್ಣದ ಮೊಟ್ಟೆಗಳನ್ನ ಇಟ್ಟು ಮರಿಮಾಡ್ತದೆ. ತಂದೆ ತಾಯಿ ಎರಡೂ ಬಹಳ ಜತನದಿಂದ ಮರಿಗಳನ್ನು ಕಾಪಾಡ್ತವೆ. ಗೂಡಿನಹತ್ರ ಯಾರನ್ನೂ ಬರೋಕೆ ಬಿಡೋದೇ ಇಲ್ಲ. ಬೇಟೆಗಾರ ಹದ್ದುಗಳು ಬಂದರೂ ಹೆದರದೆ ಹಿಮ್ಮೆಟ್ಟಿಸುತ್ತವೆ, ಒಮ್ಮೊಮ್ಮೆ ಅಟ್ಟಿಸಿಕೊಂಡೂ ಹೋಗುತ್ತವೆ.

     ಹೀಗೆ ಮರಿಗಳು ಬೆಳೆದು ರೆಕ್ಕೆ ಬಲಿತು ಹಾರಿ ಹೋದ ಮೇಲೆ ಗೂಡು ಖಾಲಿ ಆಯ್ತು. ಹಕ್ಕಿಗಳಿಗೆ ಗೂಡು ಮರಿಗಳನ್ನು ಬೆಳೆಸುವ NURSING HOME ಮಾತ್ರ, ಮರಿಗಳು ಬೆಳೆದ ಮೇಲೆ ಅವುಗಳಿಗೆ ಗೂಡಿನ ಅಗತ್ಯ ಇಲ್ಲ, ಅವು ಗೂಡನ್ನು ನಮ್ಮತರಹ ಪಕ್ಕಾ ಮನೆಯಾಗಿ, ಖಾಯಂ ವಿಳಾಸವಾಗಿ ಬಳಸೋದಿಲ್ಲ. ಹೀಗಿರುವ ಆ ಗೂಡು ನಮ್ಮ Scientist ಸಾಹೇಬರ ಗಮನ ಸೆಳೀತಂತೆ. ಆ ಗೂಡನ್ನು Binocular ನಿಂದ ನೋಡುತ್ತಿದ್ದ ಅವರಿಗೆ ಆಶ್ಚರ್ಯ ಕಾದಿತ್ತು. ಆಶ್ಚರ್ಯವನ್ನ confirm ಮಾಡ್ಕೊಳ್ಲಿಕ್ಕೆ ಮರಹತ್ತಿ ಗೂಡನ್ನ ಪರೀಕ್ಷೆ ಮಾಡಿದ್ರು. ನಗರದ ಉದ್ಯಾನದ ಮರದಲ್ಲಿದ್ದ ಗೂಡಿನ್ನು ಕಟ್ಲಿಕ್ಕೆ ಆ ಕಾಗೆ ಕಬ್ಬಿಣದ ಸರಳು, ತಂತಿ, ಪ್ಲಾಸ್ಟಿಕ್ ದಾರ ಎಲ್ಲವನ್ನೂ ಬಳಸಿತ್ತಂತೆ. ಇದು ಕಾಗೆಯ ಬುದ್ದಿವಂತಿಕೆ ಮತ್ತು ಪರಿಸರದ ಬದಲಾವಣೆಗೆ ಒಗ್ಗಿಕೊಳ್ಳುವ ಅದರ ಗುಣಕ್ಕೆ ಒಳ್ಳೆ ನಿದರ್ಶನ. 

       ನಮ್ಮ ಸುತ್ತಲಿನ ಪರಿಸರವನ್ನು ಸ್ವಚ್ಛಗೊಳಿಸುವಲ್ಲಿ ಕಾಗೆಯ ಪಾತ್ರ ಬಹಳ ಮಹತ್ವದ್ದು. ಇದಕ್ಕೆ ಸಂಬಂಧಪಟ್ಟಹಾಗೆ ಒಂದು ಘಟನೆ ನೆನಪಾಗುತ್ತೆ. ನಾನೊಂದ್ಸರಿ ಟ್ರೈನ್ ಜರ್ನಿ ಮಾಡ್ತಾ ಇದ್ದೆ. ಸ್ಟೇಷನ್ ನಲ್ಲಿ ಟ್ರೈನ್ ನಿಂತ್ಕೊಂಡಿತು. ಬೆಳಗ್ಗಿನ ತಿಂಡಿ ತಿನ್ನೋ ಸಮಯ, ತಿಂಡಿ ಪಾರ್ಸೆಲ್ ತಗೊಂಡು ತಿನ್ಲಿಕ್ಕೆ ಶುರು ಮಾಡಿದ್ವಿ. ಹೊಟ್ಟೆತುಂಬಾ ತಿಂಡಿ ತಿಂದು, ತಿಂಡಿ ಪೊಟ್ಣಣ ಕಿಟಕಿಯಿಂದ ಆಚೆ ಎಸೆದು ಬಿಟ್ವಿ. ಇನ್ನೊಂದು ಟ್ರೈನ್ ಕ್ರಾಸಿಂಗ್ ಕೊಡೋಕ್ಕೆ ನಮ್ಮ ಟ್ರೈನ್ ಕಾಯ್ತಾ ಇತ್ತು. ಪಕ್ಕದ ಟ್ರಾಕ್ ಮೇಲೆ ತಿಂಡಿ ಪ್ಯಾಕೆಟ್ ಗಳು ಬಿದ್ದಿದ್ದವು. ಕಾಗೆಗಳು ಒಂದೊಂದಾಗಿ ಬಂದು ಪ್ಯಾಕೆಟ್ ಗಳನ್ನು ಎತ್ತಿಕೊಂಡು ಹೋದವು. ಹತ್ತೇ ನಿಮಿಷದಲ್ಲಿ ಪಕ್ಕದ ಟ್ರಾಕ್ ಕ್ಲೀನ್ ಆಗಿತ್ತು.

     ಅದೇರೀತಿ ರಸ್ತೆಮೇಲೆ ವಾಹನದ ಚಕ್ರಕ್ಕೆ ಸಿಕ್ಕಿ ಹಲವಾರು ಪ್ರಾಣಿಗಳು ಸಾಯೋದು ಮಾಮೂಲಿ. ನಮ್ಮ ಕಾಗೆರಾಯ ಅಲ್ಲೂ ಹಾಜರ್. Postmartam ಮಾಡಿ ಪರಿಸರ ಸ್ವಚ್ಛ ಮಾಡೋದ್ರಲ್ಲಿ ಎತ್ತಿದ ಕೈ. 

ಊರ ಕಾಗೆ 

House Crow

Corvus splendens

ಹಕ್ಕಿ ಪುಕ್ಕ 3

ಕನ್ನಡ ಹೆಸರು :   ಚೋರೆ ಹಕ್ಕಿ,     ಚುಕ್ಕೆ ಕಪೋತ

English name :   Spotted Dove

Scientific name : Stigmatopelia chinensis

     DOVE ಅಂದ ತಕ್ಷಣ ಹೆಚ್ಚಿನ ಜನ ನೆನಪಿಸಿಕೊಳ್ಳೋದು ಟಿವಿಯಲ್ಲಿ ಬರುವ ಸಾಬೂನಿನ ಜಾಹೀರಾತು . ಸಾಮಾನ್ಯವಾಗಿ ಮನೆಗಳಲ್ಲಿ ಸಾಕಲಾಗುವ ಬಳೀಬಣ್ಣದ ಪಾರಿವಾಳವನ್ನೇ ಹೆಚ್ಚಿನ ಜನ  DOVE  ಅಂತ ಕರೀತಾರೆ.

     ಆದರೆ DOVE ಅನ್ನುವ ಪ್ರಬೇಧದ ಹಕ್ಕಿಗಳು ಪಾರಿವಾಳಕ್ಕಿಂತ ಚಿಕ್ಕವು. ದೇಹದ ಗಾತ್ರಕ್ಕೆ ಹೋಲಿಸಿದರೆ ಬಾಲ ಸ್ವಲ್ಪ ಉದ್ದ. ಗಣಪತಿಯ ಹಾಗೆ ಕಾಣುವ ದೊಡ್ಡ ಹೊಟ್ಟೆ, ಅದನ್ನು ಹೊರಲಿಕ್ಕೆ ತುಸು ಗಿಡ್ಡವೇ ಅನ್ನಬಹುದಾದ ಕಾಲುಗಳು, ಪುಟಾಣಿ ತಲೆ. ಹೊಟ್ಟೆಯನ್ನು ಎಳೆದುಕೊಂಡು ನಡೆಯುವ ವಿಶಿಷ್ಟ ನಡಿಗೆ. ನೆಲದಲ್ಲಿ ನಡೆದಾಡುತ್ತಾ ಕಾಳು ಹೆಕ್ಕಲು ಕಳ್ಳನಂತೆ ಬರುವ ರೀತಿ, ಹತ್ತಿರ ಹೋದರೆ ಸಾಕು ಹಿಡಿದೇಬಿಡುವರು ಎಂಬಂತೆ ದಡಬಡಾಯಿಸಿ ರೆಕ್ಕೆ ಬಡಿದು ಹಾರಿಬಿಡುವ ರೀತಿ ನೋಡಿಯೇ ಮಲೆನಾಡಿಗರು ಇದಕ್ಕೆ ಚೋರ ಹಕ್ಕಿ ಅಂತ ಹೆಸರು ಇಟ್ಟಿರಬೇಕು. ನಮ್ಮ ತುಳುನಾಡಿನಲ್ಲಿ ಈ ಹಕ್ಕಿಗೆ ‘ಪುದ’ ಅಂತ ಕರೀತಾರೆ.

      ಶಾಲಾಮಕ್ಕಳ ಬಿಸಿಊಟಕ್ಕೂ ಈ ಹಕ್ಕಿಗೂ ಅವಿನಾಭಾವ ಸಂಬಂಧ. ಮಧ್ಯಾಹ್ನದ ಊಟಮುಗಿಸಿ ಮಕ್ಕಳು ಕೈತೋಳೆಯುವಲ್ಲಿ ಬಿದ್ದಿರಬಹುದಾದ ಅನ್ನದ ಅಗುಳನ್ನು ಹೆಕ್ಕಿತಿನ್ನಲು ಪ್ರತಿದಿನ ಬಂದೇಬರುತ್ತದೆ, ಆದರೆ ಮಕ್ಕಳೆಲ್ಲ ತರಗತಿಗೆ ಹೋದ ನಂತರ ಮಾತ್ರ. ಅಪಾಯವಿಲ್ಲ ಎಂದಾದರೆ ಮನೆಯ ಅಂಗಳದಲ್ಲಿ ಓಡಾಡಿಕೊಂಡಿರುತ್ತದೆ.. ಹೂ ಹೂ ಹೂ ಹುರ್ರ್ ಹುರ್ರ್ ಹುರ್ರ್ ಅಂತ ಕೂಗುವ ಈ ಕಪೋತ ನಿಮ್ಮ ಮನೆ ಅಂಗಳದಲ್ಲೂ ಇರಬಹುದು.....   

ಹಕ್ಕಿ ಪುಕ್ಕ 2

ಕನ್ನಡ ಹೆಸರು: ದರ್ಜಿ ಹಕ್ಕಿ,  ಸಿಂಪಿಗ,  ಟುವ್ವಿ ಹಕ್ಕಿ

English name: Common Tailorbird

Scientific Name: Orthotomus sutorius

     ಒಂದು ದಿನ ನನ್ನ ಚಿಕ್ಕಮ್ಮನ ಮನೆಗೆ ಹೋಗಿದ್ದೆ. ನಮ್ಮ ಚಿಕ್ಕಪ್ಪನಿಗೆ ಗಾರ್ಡನಿಂಗ್ ಬಹಳ ಪ್ರೀತಿಯ ಹವ್ಯಾಸ. ಅವರ ಮನೆ ಹಿತ್ತಲಿನಲ್ಲಿ ಹಲವಾರು ಗಿಡಗಳನ್ನ ನೆಟ್ಟು ಬೆಳೆಸಿದ್ರು. ಅಲ್ಲಿಗೆ ಹಲವಾರು ಜಾತಿಯ ಹಕ್ಕಿಗಳು ಬರೋದನ್ನ ನೋಡಿದ್ದ ನಾನು ಹೋಗ್ತಾ ಕ್ಯಾಮರಾ ತಗೊಂಡೇ ಹೋಗಿದ್ದೆ. ಮಾತಾಡ್ತಾ ಮಾತಾಡ್ತಾ “ ಇಲ್ಲೊಂದು ಹಕ್ಕಿ ಗೂಡು ಮಾಡಿದೆ, ಆದ್ರೆ ಗೂಡು ಇದೆ ಅಂತ ಗೊತ್ತಾಗೋದೇ ಇಲ್ಲ. ಕಳೆದ ವರ್ಷನೂ ಅದೇ ಮರದಲ್ಲಿ ಗೂಡು ಮಾಡಿತ್ತು, ಆದ್ರೆ ಮರಿ ಆಗಿ ಕೆಲವೇ ದಿನಕ್ಕೆ ಹಾವು ಬಂದು ಮರಿಯನ್ನು ತಿಂದುಬಿಟ್ಟಿತ್ತು. ಪಾಪ ಆ ಜೋಡಿಯ ರಂಪಾಟ ಕೇಳ್ಲಿಕ್ಕೆ ಕಷ್ಡ ಆಗಿತ್ತು. ಈ ಸಾರೀನೂ ಗೂಡು ಮಾಡಿದೆ. ಅವುಗಳ ಓಡಾಟ ಜೋರಾಗಿಯೇ ನಡೆದಿದೆ, ನಾವು ಹತ್ರ ಹೋದ್ರೆ ಹಾರಿ ಹೋಗುತ್ತೆ “ ಅಂತ ತಮ್ಮ ಹಿತ್ತಿನಲ್ಲಿ ಬೆಳೆಸಿದ್ದ ಅಂಜೂರ ಮರದ ಹತ್ರ ಕರ್ಕೊಂಡು ಹೋದ್ರು

     ಮರದ ಮಧ್ಯೆ ಬಹಳ ಸೇಫ್ ಜಾಗದಲ್ಲಿ ಒಂದು ದೊಡ್ಡ ಎಲೆಯನ್ನು ಕೆಳಮುಖವಾಗಿ ಮಡಚಿ, ಬಹುಶಃ ಜೇಡನಬಲೆಯ ಎಳೆಗಳನ್ನು ತಂದು, ಗಾಯಕ್ಕೆ ಹೊಲಿಗೆ ಹಾಕುವಂತೆ ಹೊಲಿದು, ಅದರ ಒಳಗೆ ಹುಲ್ಲನ್ನು ಬುಟ್ಟಿಯಾಕಾರದಲ್ಲಿ ಸೇರಿಸಿ, ಒಳಗೆ ಬರೋದಕ್ಕೆ ಬೇಕಾದಷ್ಟು ಜಾಗ ಮಾತ್ರ ಬಿಟ್ಟು ಗೂಡು ತಯಾರಾಗಿತ್ತು. ಒಳಗಡೆ ಎರಡೋ ಮೂರೋ ಮೊಟ್ಟೆಗಳು ಇದ್ದವು. ಪಕ್ಕನೆ ನೋಡಿದ್ರೆ ಕೆಂಜಿರುವೆಯ ಗೂಡಿನ ಹಾಗೆ ಕಾಣ್ತಾ ಇತ್ತು. ಯಾರಿಗೂ ಸಂಶಯ ಬರ್ಲಿಕ್ಕೆ ಸಾಧ್ಯಾನೇ ಇಲ್ಲ. Perfect Stitching... ಹಾಗಾಗಿಯೇ ಈ ಹಕ್ಕಿಗೆ ದರ್ಜಿ ಹಕ್ಕಿ ಅನ್ನೋ ಹೆಸರು ಬಂದಿರಬೇಕು.

     ಟುವ್ವಿ, ಟುವ್ವಿ ಅಂತ ಹಾಡುತ್ತಾ ಮನೆಯ ಹಿತ್ತಲಿನ ಪೋದೆಗಳಲ್ಲಿ ಕೀಟ, ಕಂಬಳಿಹುಳ (caterpillar) ಹುಡುಕುತ್ತಾ ಓಡಾಡಿಕೊಂಡು ಇರ್ತವೆ. ನಿಮ್ಮ ಮನೇ ಹಿತ್ತಲಿನಲ್ಲೂ ಈ ಟುವ್ವಿ ಹಕ್ಕಿ ನೋಡ್ಲಿಕ್ಕೆ ಸಿಗಬಹುದು.

ಹಾಂ... ಒಂದು ವಿಷಯ ಹೇಳೋದು ಮರೆತೆ. ಗೂಡು ಕಂಡ್ರೆ ದೂರದಿಂದಲೇ ನೋಡಿ, ಸಾಮಾಜಿಕ ಅಂತರ ಕಾಪಾಡಿಕೊಳ್ಳಿ... ಹಕ್ಕಿಗೂ ಒಳ್ಳೆದು, ಹಾಗೇ     ನಮಗೂ .... ಅಲ್ವಾ

ಹಕ್ಕಿ ಪುಕ್ಕ  1

ಕನ್ನಡ ಹೆಸರು: ಮಡಿವಾಳ ಹಕ್ಕಿ

English Name: Oriental Magpie Robin

Scientific name: Copsychus saularis

     ಸುಮಾರು ಹತ್ತು ವರ್ಷಗಳ ಹಿಂದೆ ಹೊಸದಾಗಿ ಮೇಷ್ಟ್ರ ಕೆಲಸ ಸಿಕ್ಕಿ ಕುದುರೆಮುಖದ ಹತ್ತಿರ ಸಂಸೆ ಅನ್ನುವ ಹಳ್ಳಿಗೆ ನೇಮಕವಾದ ದಿನಗಳವು. ಸಂಸೆಯ ಮಲೆನಾಡು ಪ್ರಕೃತಿ ಪ್ರೀತಿಯನ್ನು ತಾನಾಗಿಯೇ ಚಿಗುರಿಸಿತ್ತು. ನನ್ನ ಸುತ್ತಲಿನ ಪ್ರಪಂಚವನ್ನು ಕುತೂಹಲದಿಂದ ಗಮನಿಸುವ ಪ್ರವೃತ್ತಿಯನ್ನು ಬೆಳೆಸಿತ್ತು.

    ಒಂದು ಸೋಮವಾರ ಬೆಳ್ಳಂಬೆಳಗ್ಗೆ ಎದ್ದು ಬಸ್ಸಿಗೆ ಹೊರಡಲು ತಯಾರಾಗ್ತಾ ಇದ್ದೆ. ಯಾರೋ ದಾರಿಕಡೆಯಿಂದ ಶಿಳ್ಳೆ ಹೊಡಿತಾ ಇರೋ ಹಾಗೆ ಕೇಳಿತು. ಇದ್ಯಾರಪ್ಪ ಇಷ್ಟು ಬೆಳಗ್ಗೆ ವಿಸಿಲ್ ಹೊಡೀತಾ ಇದ್ದಾರೆ ಅಂತ ಹೊರಗೆ ಇಣುಕಿ ನೋಡಿದೆ. ಅರೆ ರಸ್ತೆಯ ಯಾವ ಕಡೆಯಲ್ಲಿ ನೋಡಿದ್ರೂ ಯಾರೂ ಇಲ್ಲ. ಆದ್ರೆ ಶಿಳ್ಳೆಯ ಶಬ್ದ ಇನ್ನೂ ಹಾಗೇ ಕೇಳಿಸ್ತಾ ಇತ್ತು. ಅದೂ ತುಂಬ ಹತ್ತಿರದಲ್ಲೇ.. ಸ್ವಲ್ಪ ಹೊತ್ತು ಸೂಕ್ಷ್ಮವಾಗಿ ನೋಡಿದ್ರೆ ರಸ್ತೆ ಪಕ್ಕದ ಕರೆಂಟ್ ಲೈನ್ ಮೇಲೆ ಒಂದು ಕಪ್ಪು ಹಕ್ಕಿ ಕೂತು ತನ್ನ ಬೆಳಗ್ಗಿನ ಸಂಗೀತಾಭ್ಯಾಸ ನಡೆಸಿತ್ತು. ಅವತ್ತಿನಿಂದ ಈ ಸಂಗೀತಗಾರನ್ನ ದಿನಾ ಗಮನಿಸೋಕೆ ಶುರು ಮಾಡಿದೆ.

    ಗಂಡು ಹೆಣ್ಣು ಎರಡೂ ಹಕ್ಕಿಗಳು ಗಾತ್ರ ಆಕಾರ ಬಣ್ಣ ಒಂದೇ ರೀತಿ, ಆದರೆ ಗಂಡಿನ ಬಣ್ಣ ಸ್ವಲ್ಪ ಕಡುಗಪ್ಪು, ಹಾಗಾಗಿ ಅದರ ರೆಕ್ಕೆಯ ಮೇಲಿನ ಬಿಳಿ ನಾಮ ಎದ್ದು ಕಾಣ್ತದೆ. ಸುಮಾರು ಜನವರಿಯಿಂದ ಎಪ್ರಿಲ್ ತಿಂಗಳಿನ ನಡುವೆ ಸಂತಾನಾಭಿವೃದ್ಧಿ ಮಾಡುವ ಈ ಹಕ್ಕಿ ಹಂಚಿನ ಮನೆ, ಶಾಲೆಯ ಹಂಚಿನ ಮಾಡಿನ ಸಂದಿಯಲ್ಲೆಲ್ಲಾ ಗೂಡು ಕಟ್ಟಿದ್ದನ್ನು ನಾನೇ ನೋಡಿದ್ದೇನೆ. ಆದರೆ ಗೂಡಿನ ಫೋಟೋ ತೆಗೆಯುವ ದುಸ್ಸಾಹಸ ಮಾತ್ರ ಮಾಡಿಲ್ಲ. ಯಾಕೆಂದರೆ ಫೋಟೋ ತೆಗೆಯಲು ಹೋಗಿ ಪರದಾಡುವ ನಾನು ಅದರಿಂದ ಬೆದರಿ ಕೂಗಿಕೊಳ್ಳುವ ಹಕ್ಕಿ ಇದೆಲ್ಲಾ ಬೇರೊಂದು ಬೇಟೆಗಾರ ಪಕ್ಷಿ ಅಥವಾ ಪ್ರಾಣಿಗೋ ಆ ಗೂಡಿನ ಸುಳಿವನ್ನು ನೀಡಿ ಅದರ ಕುಟುಂಬ ನಾಶವಾಗಬಾರದಲ್ಲ. 

     ಮನೆಯ ತಾಯಂದಿರಿಗೆ ಈ ಹಕ್ಕಿ ಹೆಚ್ಚು ಪರಿಚಿತ. ಅವರು ಮನೆಕೆಲಸ ಮಾಡುತ್ತಾ ಓಡಾಡುವಾಗ ಹೆದರದೇ ಆರಾಮವಾಗಿರುತ್ತವೆ, ಬಾಲವನ್ನು ಒಮ್ಮೆಗೇ ಮೇಲಕ್ಕೆತ್ತಿ ನಿಧಾನವಾಗಿ ಕೆಳಗಿಳಿಸಿ ಹಾರುತ್ತಾ

ಕುಪ್ಪಳಿಸುತ್ತಾ ಓಡಾಡುವ ಮಡಿವಾಳ ಹಕ್ಕಿ ನಿಮ್ಮ ಮನೆ ಹಿತ್ತಲಲ್ಲೂ ಇರಬಹುದು

Last sunday 13th september i with my wife visited Sammilan Shettys Butterfly park Beluvai in between karkala and moodabidri 

it was very nice to see many beautiful butterflies

common Barron upper side

common Barron under side

Goudy Barron upper side

cacoon of Southern Birdwing

Southern Birdwing female

Southern Birdwing female

plain cupid mating

Common bluebottle

commonder

Red spot duke

common emignent

Autumn leaf

common Mime

blue Mormon

Blue oakleaf

palmfly

peacock pancy

Malabar banded Peacock

Blue tiger

brown awl

These are the photos taken in Indraprastha Mysore on 2nd feb 2014 with Abhijith APC

We had 136 bird count from morning 6 to evening 6